دیسان ‌زه‌وی خولێکی دیکه‌ به‌ ده‌وری رۆژدا گه‌ڕا، به‌ڵام به‌ داخه‌وه‌ هیچ ئاڵووگوڕێکی ئه‌وتۆ له‌ ژیانی گشتی گه‌لی ئێمه‌ دا روی نه‌دا. ته‌نانه‌ت، بینه‌ری  هێرش و بۆمبارانی ناجوامێرانه‌ی ده‌ڤه‌ری قه‌ندی به‌ هۆی ده‌سته‌ڵاتی تورکیا بوین و له‌ هه‌مو به‌شه‌ کانی دیکه‌ی کوردستانیش، زۆرتر  باسی قه‌لاچۆ، سێ داره‌ و پاکتاو ...بو .
بۆ ئه‌وه‌ی که‌ له‌ ساڵه‌کانی داهاتودا، ئه‌و سته‌مه‌انه‌ ‌ سه‌د پاته‌ نه‌کرێنه‌وه‌، وه‌ک دڵۆپێکی چکۆله‌ له‌ ده‌ریای به‌رینی گه‌لی  ئاشتی خوازی کورد، به‌ هیوام  له‌ ساڵی داهاتو دا:
1- کوردایه‌تی نه‌که‌ینه‌ کۆیله‌ی حیزبایه‌تی .
2- سه‌رۆکان و ته‌واوی خه‌ڵکی ئاسایی‌، له‌ گشت کوردستانی گه‌وره‌،  پشتیوانی دڵسۆزی یه‌ک بین، به‌ تایبه‌ت پشتیوانی قه‌ندیل نشینان .
3-  له‌ گه‌نده‌ڵی خۆ بپارێزن .
4- سیپاڵی له‌ ترسان و له‌ برسان فرێ بده‌ین و  ویسته‌ ره‌وا کانمان به‌ راشکاوی ده‌رببڕین.
5- جیاوازی ئایینی نه‌که‌ینه‌ ‌‌ هۆی ناکۆکی نه‌ته‌ویی  .
6- چه‌کی پێ نووس و مه‌ته‌رێزی لێ نووس بکه‌ینه‌ ئامێری سه‌ره‌کی خه‌بات ‌.
7- ده‌نگی ماف خوازی مان  پتر به‌ گوێی خه‌ڵکی جیهان بگه‌یێنین، تا بتوانین زووتر به‌ ئاواته‌ ره‌وا و گه‌وره‌که‌ی هه‌موومان بگه‌ین .
8- نزیکه‌ی 25 میلیۆن  کورد  که‌ ئافره‌تن،به‌ کرده‌وه‌ له‌ کۆمه‌ڵ دا به‌شدار بکه‌ین، نه‌ک هه‌ر به‌ قسه‌ و  وتار له‌ سێمیناردا  .
9- نه‌بینه‌ هۆره‌ بۆ قه ‌ڵه‌شاندنی گه‌لی خۆ .
10- وه‌ک هه‌میشه‌ نیشتمان په‌روه‌ بین ، به‌ڵام رێز بۆ هه‌مو گه‌لانی دیکه‌ش دابنێین و ئه‌وه‌ بزانین نیشتمان په‌روه‌ری،  له‌گه‌ڵ شێڤێنیزم زۆر تۆفیری هه‌یه‌ .
دڵنیام، پێشکه‌ش کردنی ئه‌م په‌یامه‌ به‌ گه‌لی  زانا و بیرمه‌ندی کورد، وه‌ک ئه‌وه‌ وایه که‌ ‌ به‌ڕو به‌ری بۆ ئیلام، مازو به‌ری بۆ بانه‌ و ترێ ره‌شه‌  بۆ سه‌رده‌شت ، به‌ڵام  مه‌به‌ست هه‌ر وه‌بیرخستنه‌وه‌یه‌ک بو .