رۆژی ‌16.03.2008 له‌ وڵاتی سویس وه‌ڤدی هه‌ردوو کۆمیته‌ی سویسی حیزبی دێموکراتی کوردستان و کۆمه‌ڵه‌ی زه‌حمه‌تکێشانی کوردستان له‌ گه‌ڵ یه‌ک کۆبوونه‌وه‌.

سه‌ره‌تای کۆبوونه‌وه‌که‌ به‌بۆنه‌ی  20 ساڵه‌ی یه‌کێک له‌کۆمه‌ڵکوژیه‌کانی گه‌ڵی کورد(شیمابارانکردن و شه‌هیدکردنی شاری هه‌ڵه‌بجه)‌ ده‌قیقه‌یه‌ک به‌ بێده‌نگی ڕێز له‌شیدانی ئه‌م کاره‌ساته‌ و تێکڕای شه‌هیدانی کورد و کوردستان گیرا.
پاشان هه‌ر کام له‌ نوێنه‌رانی حیزبه‌کان به‌کورتی له‌ سه‌ر بارودۆخی ئێستان کوردستان و ئێران و ناوچه‌که‌ دووان و پته‌وتر کردنی پێوه‌ندیه‌کانیان به‌ قازانجی خه‌باتی ڕه‌وای گه‌له‌که‌مان له‌ قه‌ڵه‌م دا، و هه‌ردوک لا له‌ سه‌ر ئه‌وه‌ کۆک بوون که‌ له‌ بوواری دیپۆماسی و گۆرینه‌وه‌ی زانیاری و هه‌وڵدان بۆ به‌رفراوانتر کردنه‌وه‌ی هاوکاری له‌ نێوان هێزه‌ سیاسیه‌کانی دیموکرات و پێشکه‌وتنخوازی دیکه‌ی کوردستان و ئێران و گه‌لانی بنده‌ستی ئێران کاری زیاتر بکه‌ن.
له‌و کۆبونه‌وه‌یه‌دا جه‌خت له‌سه‌ر ئه‌وه‌ش کرایه‌وه‌ که‌ له‌یاد و بۆنه‌ حیزبی و نه‌ته‌وه‌یه‌کاندا هه‌ر دوو حیزب به‌شداری گه‌رموگوڕتر بکه‌ن.
 شاندی  کۆمه‌ڵه‌وه‌ بریتییبوو له‌ به‌ڕێزان  میرزا مورادی ، خالید حسێن زاده‌ ، جه‌مال مورادی، سالح موحه‌مه‌د پور ، ره‌حیم ره‌حمان زاده‌ ، موحه‌مه‌ غه‌فوری و زاهید شاعیری  شاندی حیزبی دێموکراتی کوردستانیان پێکهێنابووبه‌ شدای کۆبونه‌وه‌که‌ بوو.
. ئه‌و کۆبونه‌وه‌یه‌ له‌ فه‌زایه‌کی دۆستانه‌دا له‌ کاتژمێر سێ و نیوی پاشنیوه‌ڕۆ کۆتایی پێهات.  به‌شی ڕاگه‌یاندنی حیزبی دێموکراتی کوردستان له‌ سویس
.18.03.2008