یه‌کێتی لاوانی دێموکڕاتی ڕۆژهه‌ڵاتی کوردستان، کۆمیته‌ی ‌ سویس ، به‌ بۆنه‌ی ساڵی نوێی کوردیه‌وه‌  ئاهه‌نگێک له‌ ڕۆژی 25 ی ئاوڕیل به‌ڕێوه‌ ده‌بات . بۆ زانیاری زیاتر سه‌باره‌ت به‌م ئاهه‌نگه‌ سه‌یری ئه‌م وێنه‌ بکه‌ن.

^{شه‌ش وڵاتی خۆرئاوایی بایكۆدی كۆنگره‌ی ژنێفی تایبه‌ت به‌ رووبه‌رِووبوونه‌وه‌ی ره‌گه‌زپه‌رستیان كرد و هۆكاره‌كه‌یان بۆ ئه‌وه‌ گه‌رِانده‌وه‌ كه‌ كۆنگره‌كه‌ ده‌بێته‌ مینبه‌رێك بۆ دژایه‌تیكردنی سیاسه‌ته‌كانی ئیسرائیل . به‌هۆی ئه‌و ره‌خنه‌نانه‌ی كه‌ چاوه‌ڕێیان ده‌كرد ئاراسته‌ی ئیسرائیل بكرێت، هه‌ریه‌كه‌ له‌ ئه‌مه‌ریكا، ئوسترالیا، نیوزله‌ندا، سوید، ئیتالیا، ئیسرائیل و كه‌نه‌دا، رایانگه‌یاند به‌شداری له‌ لوتكه‌ی تایبه‌ت به‌ روبه‌ڕوبوونه‌وه‌ی ره‌گه‌زپه‌رستی ناسراو به‌ "دێربان2" ناكه‌ن.}

^{PNA- به‌هۆی میوانداریكردنی كۆنگره‌ی روبه‌ڕوبوونه‌وه‌ی ره‌گه‌زپه‌رستی ناسراو به‌ "دێربان2"، ئیسرائیل ناڕه‌زاییه‌كی توند به‌رامبه‌ر سویسرا نواند. به‌ گوێره‌ی هه‌واڵی ئاژانسی "رۆیته‌رز"، حكومه‌تی ئیسرائیل وه‌كو ناڕه‌زاییه‌ك بۆ ئه‌و كۆنگره‌یه‌ كه‌ له‌ ژنێڤ ده‌به‌سترێت، باڵیۆزی خۆی له‌ سویسرا بانگهێشت كرده‌وه‌. ئه‌مه‌ له‌ كاتێكدایه‌ كه‌ له‌ بڕوانامه‌ی كۆتایی ئه‌و كۆنگره‌یه‌دا ره‌خنه‌ له‌ ئیسرائیل گیراوه‌ به‌ هۆی هێرشه‌كانیه‌وه‌ بۆسه‌ر غه‌زه‌. جێی ئاماژه‌یه‌ به‌هۆی ئه‌و ره‌خنانه‌ی كه‌ ئاراسته‌ی ئیسرائیل كراون، هه‌ریه‌كه‌ له‌ ئه‌مه‌ریكا و ئوسترالیا و نیوزله‌ندا و سوید و ئیتالیا و ئیسرائیل و كه‌نه‌دا، رایانگه‌یاند به‌شداری له‌ لوتكه‌ی تایبه‌ت به‌ روبه‌ڕوبوونه‌وه‌ی ره‌گه‌زپه‌رستی ناسراو به‌ "دێربان2" ناكه‌ن.}

 ^{برِیاره‌ له‌ چه‌ند رۆژی داهاتوودا نوێنه‌ری تایبه‌تی نه‌ته‌وه‌یه‌كگرتووه‌كان له‌ عێراق راپۆرتی خۆی له‌ باره‌ی كێشه‌ی ناوچه‌ دابرِاوه‌كان پێشكه‌ش به‌ سه‌رۆكی هه‌رێمی كوردستان بكات و سه‌رۆكی هه‌رێمیش به‌ فه‌رمی بیرورِای خۆی له‌ باره‌یه‌وه‌ بخاته‌رِوو. ئه‌مرِۆ له‌ هاوینه‌هه‌واری سه‌لاحه‌دین به‌ ئاماده‌بوونی سه‌رۆكی هه‌رێمی كوردستان مه‌سعود بارزانی كۆبوونه‌وه‌یه‌كی فراوان به‌رِێوه‌چوو.}

^{پێشنیوه‌ڕۆی‌ ئه‌مڕۆ، 25ی‌ خاكه‌لێوه‌ به‌ به‌شداریی‌ ئه‌ژمارێكی‌ به‌رچاو له‌ كادرو پێشمه‌رگه‌و ئه‌ندامانی‌ رێبه‌ریی و بنه‌ماڵه‌كانی‌ سه‌ر به‌ حیزبی‌ دیموكراتی‌ كوردستان رێوڕه‌سمی‌ جێژنی‌ كۆتایی هاتنی‌ ده‌روه‌ی‌ 187ی‌ سه‌ره‌تایی پێشمه‌رگه‌ی‌ كوردستانله‌ یه‌كێك له‌ ساڵۆنه‌كانی‌ سه‌ر به‌ ده‌فته‌ری‌ سیاسیی‌ حیزبی‌ دیموكراتی‌ كوردستان به‌ڕێوه‌چوو.}

^{هێرشه‌کانی ده‌وڵه‌تی تورکیه‌ دوای هه‌ڵبژاردنه‌‌ هه‌رێمیه‌کان تا دێت، دژوارتر ده‌بێت . ئۆپه‌راسیۆنه‌کان، له‌شکه‌رکێشیی سه‌ر سنوور و تۆپبارانی ناوچه‌ سنووریه‌کان له‌لایه‌ن تۆپخانه‌کانی ئه‌رته‌شی تورکیه‌ و ئێران درێژه‌یان هه‌ی‌. هاوکات ئه‌وڕۆ سه‌رفه‌رمانداری ئه‌رته‌شی تورکیه‌ ئیلکه‌ر باشبووغ، ڕایگه‌یاند ده‌بێ ڕێز له‌ ڕۆڵ و ئه‌رکی ئه‌رته‌ش بگیرێ و داوای شێوه‌یه‌ک له‌ ئۆتۆنۆمی کرد بۆ ئه‌رته‌ش له‌ ڕاپه‌ڕاندنی کاره‌کانیدا.}

^{هێزه‌كانی‌ پۆلیس له‌ژماره‌یه‌ك شاری‌ توركیا نزیكه‌ی‌ 50 ئه‌ندامی‌ باڵای‌ پارتی‌ كۆمه‌ڵگای‌ دیموكراتییان ده‌ستگیركرد ‌و چوار له‌ ده‌ستگیركراوه‌كانیش جێگری‌ سه‌رۆكی‌ پارتی‌ كۆمه‌ڵگای‌ دیموكراتی‌ ‌و پارێزه‌رێكی‌ عه‌بدوڵا ئۆجالانن . به‌ پێی‌ زانیاری‌ سایت  ‌و ڕۆژنامه‌ ڕه‌سمیه‌كانی‌ توركیا، له‌چه‌ند ئۆپه‌راسیۆنێكی‌ هاوكاتدا كه‌ دوێنێ‌ (سێشه‌ممه‌) له‌ 13 شاری‌ توركیادا ئه‌نجام دراوه‌، هه‌ریه‌ك له‌ كامیران یوكسه‌ل، بایرام ئاڵتون، سه‌لمه‌ ئیرماك، جێگرانی‌ سه‌رۆكی‌ ده‌ته‌په‌ ‌و سه‌راجه‌دین ئیرماكی‌ پارێزه‌ری‌ عه‌بدوڵا ئۆجالان ‌و جێگری‌ سه‌رۆكی‌ شاره‌وانی‌ قزلته‌په‌ ‌و جێگری‌ به‌رپرسی‌ ڕێكخستنه‌كانی‌ شاری‌ دیاربه‌كری‌ ده‌ته‌په‌، به‌تۆمه‌تی‌ به‌ڕێوه‌بردنی‌ كار و چالاكیه‌كانی‌ په‌كه‌كه‌ له‌ توركیا، ده‌ستگیركران.}

^{ئێوا‌ره‌ی‌ ئه‌مڕۆ ئۆتۆمبێلێكی‌ بۆمبڕێژكراو له‌ جۆری ئۆپڵ له‌ نزیک ئه‌کادیمیای پۆلیسی که‌رکوک له‌ شاری که‌رکوک ته‌قیه‌وه‌و به‌هۆیه‌وه‌ 32 که‌س کوژران و بریندابون . هاوکات به‌ پێی وته‌ی رائید سه‌لام جه‌لال به‌پرسی سریه‌ی نه‌خۆشخانه‌ی که‌رکوک، برینی ژماره‌یه‌ک له‌ برینداره‌کان مه‌ترسیداره‌و ئه‌گه‌ری زیادبونی ژماره‌ی کوژراوه‌کان هه‌یه‌.}

^{سایتی‌ چاودێر: دكتۆر فوئاد حسێن سه‌رۆكی‌ دیوانی‌ سه‌رۆكایه‌تی‌ هه‌رێمی‌ كوردستان ئاشكرای‌ كرد به‌ستنی‌ كۆنگره‌ی‌ نه‌ته‌وه‌یی كورد كه‌ ماوه‌یه‌كه‌ باسی لێ ده‌كرێت بۆ پارته‌كانی‌ گشت پارچه‌كانی‌ كوردستان تا ئێستا هه‌ر بیرۆكه‌یه‌ و بڕیار له‌سه‌ر كات و چۆنیه‌تی‌ كۆنگره‌كه‌ نه‌دراوه‌.. له‌و باره‌یه‌وه‌ فوئاد حسێ، وتی‌: ئه‌و كۆنگره‌یه‌ و بیرۆكه‌كه‌ی‌ نزیكه‌ی‌ ساڵ و نیوێكه‌ سه‌رۆكی‌ هه‌رێم له‌گه‌ڵ سه‌رۆك تاڵه‌بانی‌ تاوتوێی‌ كردوه‌ و له‌گه‌ڵ زۆر له‌ سه‌ركرده‌ سیاسیه‌كانیش باس كراوه‌، به‌ڵام تا ئێستا ته‌نها بیرۆكه‌یه‌ و بڕیار له‌سه‌ر كاته‌كه‌ی‌ و به‌شداری‌ كردنی‌ لایه‌نه‌كان نه‌دراوه‌ .به‌ پێی‌ میدیاكان، بریاربوو كه‌ كۆتایی ئه‌م مانگه‌ ئه‌و كۆنگره‌یه‌ له‌ شاری‌ هه‌ولێر به‌ڕێوه‌ بچێت و سه‌رجه‌م پارته‌كانی‌ كوردستانی‌ توركیا و سوریا و ئێران و عێراق به‌شداری‌ تیا بكه‌ن.}

^{ئه‌حمه‌د په‌نا که‌ له‌ ساڵی 2006 دا له‌ گوندی خوڕخوڕه‌‌ی سه‌ربه‌ شاری سه‌لماسی ڕۆژهه‌ڵاتی کوردستان هه‌ڵاتووه‌ و له‌گه‌ڵ بنه‌ماڵه‌که‌یدا داوای په‌نابه‌ری له‌ نه‌ته‌وه یه‌کگرتووه‌کان کردووه‌، ماوه‌ی سێ ساڵه‌ هیچ جوابێکی وه‌رنه‌گرتۆته‌وه‌. بۆ ده‌ربڕینی ناڕه‌زایه‌تی له‌وه‌ ڕه‌وشه‌، بنه‌ماڵه‌ی ئه‌حمه‌د په‌نا، که‌ پێکهاتووه‌ له‌ هاوسه‌ری ئه‌حمه‌د، په‌ری مه‌حه‌مه‌د زاده‌، منداڵه‌کانیان ئحسان ئه‌حمه‌د په‌نا ته‌مه‌ن پازده‌ ساڵ، موژگان ئه‌حمه‌د په‌نا، ته‌مه‌ن 12 ساڵ، ئاره‌زو ئه‌حمه‌د په‌نا، ته‌مه‌ن 9 ساڵ، دونیا ئه‌حمه‌د په‌نا، ته‌مه‌ن 4 ساڵ و مه‌حه‌مه‌د ڕه‌زا په‌نا، ته‌مه‌ن 3 ساڵ، له‌به‌رده‌م ناوه‌ندی نه‌ته‌وه‌ یه‌کگرتووه‌کان له‌ شاری وان ده‌ستیان به‌ مانگرتن له‌ خواردن کرد.}

^{رۆژی‌ 18ی‌ خاكه‌لێوه‌ ئه‌ندامی‌ دڵسۆزو تێكۆشه‌رێكی‌ دێرینی‌ حیزب حاجی‌ ره‌سووڵ پایمۆزد ناسراو به‌ فه‌قێ‌ ره‌سووڵ خه‌ڵكی‌ ئاوایی كولیجی‌ پیرانشار به‌ هۆی‌ نه‌خۆشی‌ له‌ ته‌مه‌نی‌ 79 ساڵی‌، له‌ شاری‌ "كۆنگسوینگێر"ی‌ نۆروێژ، ماڵئاوایی له‌ نیشتمانه‌كه‌ی‌ كرد.
له‌و پێوه‌ندییه‌دا كۆمیته‌ی‌  حیزبی‌ دیموكراتی‌ كوردستان له‌ وڵاتی‌ نۆروێژ له‌ راگه‌یه‌نراوێك دا وێڕای‌ رێزلێنان له‌ رابردووی‌ پڕ له‌ شانازی‌ ناوبراو، به‌ ناوی‌ هه‌موو ئه‌ندامان و لایه‌نگرانی‌ حیزب پرسه‌و سه‌ره‌خۆشی‌ خۆیان ئاراسته‌ی‌ بنه‌ماڵه‌ی‌ فه‌قێ‌ ره‌سووڵ و خه‌ڵكی‌ ناوچه‌ی‌ پیرانشار كردووه‌.}

^{"عوسمان ئۆزچه‌لیك"سه‌رۆكی لیستی پارتی كۆمه‌ڵگه‌ی دیموكرات DTP له‌ په‌رله‌مانی توركیا، ڕایگه‌یاند؛ بۆ چاره‌سه‌ركردنی كێشه‌ی كورد، پڕۆژه‌كه‌مان پێشكه‌ش به‌ سه‌رۆكی ویلایه‌ته‌ یه‌كگرتووه‌كانی ئه‌مه‌ریكا "باراك ئۆباما" ده‌كه‌ین،چونكه‌ ئه‌مه‌ریكاش ده‌خوزاێت شه‌ڕوپێكدادان له‌ توركیا نه‌مێنت و كێشه‌ی كورد به‌ دیموكراسیانه‌ چاره‌سه‌ر بكرێت.}

^{به‌رپرسێكی باڵای  حكومه‌تی ئیسراییل له‌ میانه‌ی لێدوانێكدا بۆ رۆژنامه‌نووسان له‌ له‌نده‌نی پایته‌ختی به‌ریتانیا ته‌ئكیدی كردووه‌ كه‌ پرۆگرامی ناووكی ئێران مه‌ترسییه‌كی سه‌ره‌كی یه‌ بۆ سه‌ر ئاسایشی وڵاته‌كه‌ی . رۆژنامه‌ی" تایمز"ی له‌نده‌ن له‌ لێكدانه‌وه‌یه‌كدا ده‌رباره‌ی قسه‌كانی ئه‌و به‌رپرسه‌ ئیسراییلی یه‌كه‌ ،رایگه‌یاند: هێرشی ئاسمانی ئیسراییل بۆ سه‌ر دامه‌زراوه‌ ناووكی یه‌كانی ئێران راستیه‌كی حاشاهه‌ڵنه‌گره‌ .}

^{ئه‌ندامێكی‌ ناوه‌ندی‌ چاودێری‌ كورد‌وساید ۆچ (چاك)، رایگه‌یاند له‌گه‌ڵ ژماره‌یه‌ك رۆژنامه‌نوس‌و هونه‌رمه‌ند‌و ئه‌ندام په‌رله‌مانی‌ سوید، ئه‌مساڵ‌ له‌و وڵاته‌ یادی‌ ئه‌نفال‌و جینۆسایدی‌ گه‌لی‌ كورد به‌شێوازێكی‌ مۆدێرنانه‌ ده‌كه‌نه‌وه‌.‌سه‌باره‌ت به‌په‌یره‌و پرۆگرامی‌ یاده‌كه‌ش ئاماژه‌ی‌ بۆ ئه‌وه‌كرد كه‌  رۆژی‌ 18ی‌ ئه‌پریلی‌ 2009 له‌ هۆڵی‌(ABF) ده‌بێت، هه‌روه‌ها وتی‌ "ئه‌مساڵیش وه‌ک ساڵانی پێشوو بڕیار وایه‌ یادی به‌شێک له‌تاوانه‌ کۆمه‌لکوژیه‌کانی کورد ( ئه‌نفال‌و هه‌ڵه‌بجه‌‌ ، سێوسانان ، گۆپته‌په‌ ) به‌ شیوازێکی جیا له‌ساڵانی پێشوو، له‌گه‌ڵ پۆلێک له‌که‌سایه‌تی سویدی له‌ ڕۆژنامه‌نوس، هونه‌رمه‌ند، که‌سایه‌تی سیاسی، ئه‌ندام په‌رله‌مانی ئه‌ورپی و سویدی بکه‌ینه‌وه".}

^{ماوه‌ی هه‌فته‌یه‌که‌ ڕژیمی ئێران دیسان ده‌ستی کردۆته‌وه‌ به‌ تۆپباران کردنی ناوچه‌ سنووریه‌کانی هه‌رێمی کوردستان. له‌م نێوه‌دا ئێواره‌ی  ڕۆژی هه‌ینی گونده‌کانی ئه‌بوبه‌کره‌ی سه‌روو و ڕه‌زگه‌ی سه‌روو و هه‌روه‌ها قه‌ڵاتۆکان به‌ خه‌ستی له‌ لایه‌ن تۆپخانه‌کانی ڕژیمی ئاخوندیه‌وه‌ تۆپباران کران که‌ بوو به‌هۆی زیان گه‌یاندن به‌ ڕه‌ز و باخ و مه‌زرای خه‌ڵک و به‌ خۆشیه‌وه‌ هیج زیانیکی گیانی به‌ دواوه‌ نه‌بوو . دیاره‌ ئه‌مه‌ نه‌ یه‌که‌م جاره‌ و نه‌ دوایین جاریش ده‌بێ که‌ ڕژیمی ئێران به‌ بیانووی بوونی هێزه‌ نه‌یاره‌کانی تۆپبارانی خه‌ڵکی بێ دیفاعی گونده‌ سنووریه‌کانی کوردستان ده‌کات .}

^{رژێمی كۆماری ئیسلامیی ئێران له‌ ناوچه‌كانی هه‌ورامانی خۆرهه‌ڵاتی كوردستان ده‌ستی داوه‌ته‌ بووژاندنه‌وه‌ و دانانه‌وه‌ی بنكه‌كانی به‌سیج كه‌ به‌ ناوی "پایگاه‌ مقاومت" ناسراوه‌ .  به‌ پێی هه‌واڵێك كه‌ به‌ خۆرهه‌ڵات نیوز گه‌یشتووه‌، هه‌ركه‌س ببێته‌ ئه‌ندامی ئه‌و بنكانه‌ بۆ سیخوڕی و جاشایه‌تی، سه‌ره‌تا وه‌ك ته‌شویق یه‌ك ملیۆن تمه‌نیان ده‌درێتێ و بۆ ئه‌و لاوانه‌ش كه‌ سه‌ربازییان نه‌كردووه‌، جاشێتییه‌كه‌یان به‌ سه‌ربازی بۆ حیساب ده‌كرێ.}

^{سه‌باره‌ت به‌ناخۆشی‌ ژیانی‌ په‌نابه‌رانی‌ عێراقی‌ له‌وڵاتانی‌ ده‌ره‌وه‌، فیدراسیۆنی‌ سه‌رانسه‌ری‌ په‌نابه‌رانی‌ عێراقی‌ سویسرا رایده‌گه‌یه‌نن ‌كه‌ خۆپیشاندانێكی‌ نێونه‌ته‌وه‌ی‌ په‌نابه‌رانی‌ عێراقی‌ له‌ جنێف له‌به‌رده‌م باره‌گای‌ سه‌ره‌كی‌ نه‌ته‌وه‌یه‌كگرتووه‌كان بۆ ماوه‌ی‌ دوو رۆژ ئه‌نجام ده‌ده‌ن . له‌ رۆژانی‌ (16 و17/4/ 2009)، کاتژمیر 13 بۆ 17 به‌كاتی‌ ناوه‌ندی‌ ئه‌وروپا بۆ ماوه‌ی‌ دوو رۆژ خۆپیشاندان له‌به‌رده‌م باره‌گای‌ نه‌ته‌وه‌ یه‌كگرتوه‌كان له‌جنێف سازده‌كه‌ن‌و  ده‌مێننه‌وه‌.}

^{به‌شێكی‌ به‌رچاو له‌ خه‌ڵكی‌ ئه‌مه‌گناس و نیشتمانپه‌روه‌ری‌ مهاباد، به‌ بۆنه‌ی‌ 10 خاكه‌لێوه‌ له‌ دوو كاتی‌ جیادا واته‌ كاتژمێر 10 بۆ 12و 3ی‌ دوانیوه‌ڕۆ تا 5ی‌ ئێوارێ‌ سه‌ردانی‌ گۆڕی‌ پێشه‌وای‌ نه‌مریان كردو به‌ دانانی‌ تاجه‌ گوڵینه‌ له‌ سه‌ر گڵكۆی‌ پێشه‌وای‌ مه‌زن، وه‌فاداری‌ خۆیان به‌ رێبازی‌  شه‌هیدان‌ دووپات كرده‌وه‌.}

^{به‌ به‌شداری‌ به‌شێكی‌ به‌رچاو له‌ بنه‌ماڵه‌ی‌ شه‌هیدان، كادرو پێشمه‌رگه‌كانی‌ حیزبی‌ دیموكراتی‌ كوردستان  له‌ بنكه‌ی‌ ده‌فته‌ری‌ سیاسی‌ رۆژی‌ شه‌هیدان به‌رز راگیرا.
دوانیوه‌ڕۆی‌ رۆژی‌ 10ی‌ خاكه‌لێوه‌ به‌شێكی‌ به‌رچاو له‌ بنه‌ماڵه‌ی‌ شه‌هیدان، كادرو پێشمه‌رگه‌كانی‌ حیزبی‌ دیموكراتی‌ كوردستان چوونه‌ سه‌ر گڵكۆی‌ شه‌هیدان له‌ شاری‌ كۆیه‌و چه‌پكه‌ گوڵی‌ وه‌فاداریان له‌ سه‌ر گڵكۆكانیان دانا. پاشان هه‌ر به‌م بۆنه‌وه‌ له‌ یه‌كێك له‌ ساڵۆنه‌كانی‌ سه‌ر به‌ ده‌فته‌ری‌ سیاسی‌ رێوڕه‌سمێك بۆ به‌رز راگرتنی‌ رۆژی‌ شه‌هیدانی‌ كوردستان به‌ڕێوه‌ چوو.}

^{دوانیوه‌ڕۆی 26 ی  مارسی 2009 هه‌یئه‌تێکی حیزبی دێموكڕاتی كوردستان پێكهاتوو له هاوڕێیان ئاسۆی حه‌سه‌ن زاده و یاسین مه‌ولوودی له‌ بنكه‌ی كۆمیسیاریای په‌نابه‌رانی  نه‌ته‌وه‌ یه‌کگرتووه‌کان له‌گه‌ڵ ئاغای كریستۆف پۆرتمان و خانمێكی هاوكاری كه له به‌شی ئورووپای كۆمیسیاری په‌نابه‌ران كار ده‌که‌ن كۆبوونه‌وه.}

^{دوای دوو رۆژ له‌ گه‌ڕانه‌وه‌ی" عه‌بدوڵڵا گویل" سه‌ر كۆماریتوركیا بۆ وڵاته‌كه‌ی و كۆبوونه‌وه‌ی له‌گه‌ڵ به‌رپرسانی پایه‌به‌رزی كورد له‌ به‌غدا،سه‌رله‌به‌یانی ئه‌مڕۆ تۆپخانه‌كانی سوپای تورك بۆ جارێكی دیكه‌ ناوچه‌ی" مزوری"سه‌ربه‌ قه‌زای زاخۆیان به‌ چرَوپری  تۆپباران كرد به‌ڵام هیچزیانێكی گیانی و ماڵی به‌دواوه‌ نه‌بووه‌.}

^{جۆزێف بایدن جێگری سه‌رۆکی ئه‌مریکا هێرۆ مسته‌فای خانمه‌ دیپلۆماتکاری کوردی خه‌ڵکی هه‌رێمی  باشوورى کوردستانی کرده‌ راوێژکاری تایبه‌تی خۆی بۆ کاروباره‌کانی خۆرهه‌ڵاتی ناوه‌ڕاست و باشووری ئاسی. دوێنێ له‌ به‌یاننامه‌یه‌کدا کۆشکی سپی ئه‌مریکا هه‌واڵی ئه‌م پۆسته‌ نوێیه‌ی هێرۆ مسته‌فای بڵاوکرده‌وه‌ و رایگه‌یاند که‌ پێش ئه‌م پۆسته‌ی هێرۆ له‌ بازنه‌ی ئه‌فغانستانی سه‌ر به‌وه‌زاره‌تی ده‌ره‌وه‌ی ئه‌مریکا کاریکردووه‌.}

^{کۆمیته‌ی هاوکاری کۆمه‌ڵه‌ کوردی‌یه‌کان به‌ پشتیوانی هێزه‌ سیاسی‌یه‌کان له‌ شاری لینشۆپینگ بۆ ڕێز لێنان له‌ ڕۆژی ١٠ی خاکه‌لێوه‌ ڕۆژی له‌ سێداره‌دانی پێشه‌وا قازی محه‌ممه‌د و حه‌مه‌حوسێن خان‌ سه‌یفی‌ قازی‌(ئامۆزای‌ پێشه‌وا) ‌و ئه‌بولقاسم‌ سه‌دری‌ قازی‌( برای‌ پێشه‌وا) و تێکرای شه‌هیدانی کورد و کوردستان ڕێ‌وڕه‌سمێکی به‌شکۆ پێک دێنێ . به‌شداریتان نیشانه‌ی ئه‌مه‌گ‌داری به‌ خۆێنی شه‌هیدانی کوردستانه‌.}
شوێن و ئادره‌سی ئه‌م یاده‌ پیرۆزه‌ له‌ شاری لینشۆپینگ له‌ درێژه‌ی بابه‌ت ببینه‌

^{سه‌ره‌ڕای قه‌ول و به‌ڵێنیه‌کانیان ، هه‌ردوو ڕژیمی داگیرکه‌ر و دژ به‌ کوردی  تورکیا و ئێران ، جارێکی تر گونده‌ سنووریه‌کانی هه‌رێمی کوردستانیان تۆپباران کرد و زیان و زه‌ره‌رێکی زۆریان به‌ ڕه‌ز و باغ و مه‌ڕ و ماڵاتی خه‌ڵک گه‌یاند . سه‌عات 9:00 ی‌ سه‌ر له‌ به‌یانی ئه‌مڕۆ بۆ ماوه‌ی‌ نیو سه‌عات تۆپخانه‌كانی ئێران بۆردومانی‌ گردی ره‌مكانیان كرد، كه‌ نزیك گوندی قه‌ڵاتوكان و گوندی ئه‌بوبه‌كری سه‌رو بو. هه‌روه‌ها هه‌ر ئه‌مڕۆ تۆپخانه‌كانی‌ توركیا چه‌ند گوندێكیان له‌قه‌زای‌ زاخۆی‌ پارێزگای‌ دهۆك تۆپباران كرد. به‌ڵام به‌ خۆشیه‌وه‌ زیانی گیانی له‌م ده‌ستدرێژیانه‌ نه‌که‌وتۆته‌وه‌ .}

^{راوێژكاری‌ چیله‌ر‌و رۆژنامه‌نوسی‌ رۆژنامه‌ی‌ (زه‌مان)، پرۆفیسۆر مومته‌زه‌ر توركۆنه‌ كه‌ بۆ یه‌كه‌مجار هه‌واڵی‌ چه‌كدانانی‌ په‌كه‌كه‌ی‌ له‌میدیای‌ توركیادا راگه‌یاند، له‌گفتوگۆیه‌كدا له‌گه‌ڵ‌ رۆژنامه‌ی‌ ئه‌كشام ئاماژه‌ به‌وه‌ ده‌كات كه‌ ئه‌م پرۆسه‌یه‌ی‌ ئێستا به‌چه‌ك كردنی‌ په‌كه‌كه‌ ده‌ستیپێكردووه‌، ته‌نها له‌و چوارچێوه‌یه‌دا نامێنێته‌وه‌، به‌ڵكو ئه‌مه‌ به‌شێكه‌ له‌پرۆژه‌یه‌كی‌ گه‌وره‌ كه‌ تیایدا ئه‌مه‌ریكا دۆسیه‌ی‌ عێراق به‌گشتی‌‌و هه‌رێمی‌ كوردستان به‌تایبه‌تی‌ ته‌سلیم به‌توركیا ده‌كات‌و توركیا ده‌بێته‌ پاسه‌وانی‌ كورده‌كانی‌ باشور.}

وێڕای داخ و که‌سه‌رێکی زۆر ڕاده‌گه‌یێنین که، ئه‌ندامی له‌مێژینه‌ و به‌وه‌فای حیزبی دێموکراتی کوردستان عه‌لی سه‌رائی ناسراو به‌ (فه‌قێ عه‌لی ئایشه‌کانی) به‌ هۆی نه‌خۆشی له‌ شاری ژنێف بۆ ئاخرین جار ماڵاوای له‌ گه‌ل و نیشتیمان و حیزبه‌ خۆشه‌ویسته‌که‌ی کرد و درێژه‌دانی ڕێگا  پیرۆزه‌که‌ی به‌ هاوڕێ  و هاوخه‌باتیه‌کانی ئه‌سپارد.

^{به‌داخ و په‌ژاره‌یه‌کی زۆره‌وه‌ هه‌واڵی کۆچی دوایی کاک ڕه‌سووڵ ئه‌حمه‌دی ناسراو به‌ مام ڕه‌سووی خاڵ خدری ئاڵوه‌تان، باوکی تێکۆشه‌ر و دڵسۆزی گه‌له‌که‌مان و کادری به‌ ئه‌زموون و خۆشناوی دێموکرات کاک مه‌لا عه‌زیز ئه‌حمه‌دی مان پێگه‌یشت . مام ڕه‌سوول ساڵی 1303 ی هه‌تاوی له‌ باوه‌شی بنه‌ماڵه‌یه‌کی کوردپه‌روه‌ردا له‌ دایک بووه‌، مام ڕه‌سووڵ مرۆڤێکی کوردو نیشتمان‌په‌روه‌ر و جێگای متمانه‌ی خه‌ڵکی ناوچه‌کانی سوێسنایه‌تی و به‌ری نه‌ڵێن و گه‌ورکایه‌تی و هه‌روه‌ها شاره‌کانی سه‌رده‌شت و پیرانشار بووه‌.}

^{ئومید ره‌زا میرسه‌یافی‌، رۆژنامه‌نووسی‌ لاوی‌ به‌ندكراو له‌ زیندانی‌ ئێوین به‌ هۆی‌ فشاری‌ ره‌وانی‌ و پێڕا نه‌گه‌یشتنی‌ پزیشكی‌ گیانی‌ له‌ ده‌ست د ا. ئومید ره‌زا میرسه‌یافی‌ به‌ هۆی‌ بڵاوكردنه‌وه‌ی‌ بیرو بۆچوونه‌كانی‌ خۆی‌ له‌ وێبلاگێك دا ده‌سبه‌سه‌رو دواتر به‌ تاوانی‌ بێ‌ رێزی‌ كردن به‌ به‌رپرسان و پڕۆپاگه‌نده‌ی‌ دژی‌ رێژیم به‌ دوو ساڵ و نیو زیندان حوكم درا.}

^{حیزبی دێموکڕاتی کوردستان هه‌ڵمه‌تێکی چڕ و پڕی به‌ مه‌به‌ستی لێک گه‌یشتنی زیاترله‌ نێوان حیزبه‌کانی ڕۆژهه‌ڵاتی کوردستان  و هه‌روه‌ها یه‌ک خستنی هه‌ڵوێسته‌کان سه‌باره‌ت به‌ پێشهات و ئه‌گه‌ره‌کان که‌ پێوه‌ندیان به‌ چاره‌نووس و هه‌روه‌ها دوا ڕۆژی خه‌باتی گه‌لی کورده‌وه‌ هه‌یه‌ له‌ ڕۆژهه‌ڵاتی کوردستان، ده‌ست پێ کردوه‌ و له‌م نێوه‌ دا هه‌یئه‌ته‌کانی حیزب ڕۆژانه‌ له‌ ناوخۆی کوردستان و هه‌روه‌ها له‌ ده‌ره‌وه‌ سه‌ردانی حیزب و ڕێکخراوه‌کانی کوردستان ده‌که‌ن و سه‌باره‌ت به‌ پێشهاته‌کان ئاڵوو گۆڕی بیر و ڕا ده‌که‌ن . له‌ دوایین سه‌رداندا ، هه‌یئه‌تێکی حیزب چاوی که‌وت به‌ هه‌یئه‌تێک له‌ پارتی ئازادی کوردستان. له‌م پێوه‌ندیه‌دا سه‌رنجتان بۆ خوێندنه‌وه‌ی هه‌واڵێک له‌ کوردستان و کورد نیوز ، ڕاده‌کێشین .}

^{به‌ پێی ئه‌و هه‌واڵانه‌ی که‌ له‌ ناوچه‌ی قه‌ڵادزه‌وه‌ ده‌گه‌ن ، وا ڕاده‌گه‌یه‌نن که‌ تۆپخانه‌کانی ڕژیمی ئێران دوانیوه‌ڕۆی ئه‌مڕۆ جارێکی تر بۆ ماوه‌ی زیاتر له‌ نیو سه‌عات هه‌واره‌کانی ڕه‌زگه‌ ، سوره‌دێ  و ماره‌دوو که‌ سه‌ر به‌ ناحیه‌ی ژاراوه‌ن ، داوه‌ته‌وه‌ به‌ر تۆپ. به‌ڵام خۆشبه‌ختانه‌ هیچ زیانێکی گیانی به‌ دواوه‌ نه‌بوه‌ . ڕژیمی ئێران سه‌ره‌ڕای ڕێکه‌وتنی له‌ گه‌ڵ هه‌رێمی کوردستان بۆ کۆتایی هێنان به‌ تۆپبارانی ناوچه‌ سنووریه‌کانی کوردستان، دیسان هه‌ر به‌رده‌وامه‌ له‌ تۆپبارانه‌کانی به‌ بیانووی بوونی هێزه‌کانی په‌ژاک له‌ ناوچه‌که‌دا. شایانی باسه‌ له‌ ده‌ی ئه‌م مانگه‌دا به‌ هۆی تۆپبارانه‌کانه‌وه‌ منداڵێک شه‌هید بوو و هه‌روه‌ها دایک و باوکیشی بریندار بوون .}

^{له‌ زۆربه‌ی‌ شارو گونده‌كانی‌ كوردستان ئێواره‌ی‌ رابردوو، خه‌ڵك رێوڕه‌سمی‌ چوارشه‌ممه‌ سووریان به‌ شێوه‌یه‌كی‌ بێ‌ وێنه‌و به‌شكۆتر له‌ ساڵانی‌ رابردوو به‌ڕێوه‌ برد.
به‌ پێی‌ ئه‌و هه‌واڵ و زانیاریانه‌ی‌ كه‌ له‌ شارو ناوچه‌ جۆراوجۆره‌كانه‌وه‌ به‌ " كوردستان و كوردنیوز" گه‌یشتوون، خه‌ڵكی‌ كوردستان سه‌ره‌ڕای‌ فشارو هه‌ڕه‌شه‌كانی‌ به‌رپرسانی‌ هێزه‌كانی‌ رێژیم ئاگری‌ چوارشه‌ممه‌ سووریان كرده‌وه‌و به‌ ده‌وری‌ ئاگره‌كه‌ به‌ جلی‌ كوردییه‌وه‌ شادی‌ و هه‌ڵپه‌ڕكێیان كردووه‌.}

^{له‌ رۆژانی25 و26 ی‌ ره‌شه‌مه‌(15 و16 ی‌ مارسی2009) دا هه‌یئه‌تێك له‌ حیزبی دێموكراتی كوردستان پێك هاتوو له‌ به‌رێزان: كه‌سایه‌تیی‌ سیاسیی‌ كورد مامۆستا عه‌بدولا حه‌سه‌نزاده‌، حه‌سه‌ن قادرزاده‌ و قادر وریا(ئه‌ندامانی ده‌فته‌ری سیاسی) برایم زێوه‌یی و سیامه‌ك وه‌كیلی ئه‌ندامانی كۆمیته‌ی ناوه‌ندی  حیزب ، سه‌ردانی سه‌ركردایه‌تی ژماره‌یه‌ك له‌ حیزبه‌و رێكخراوه‌كانی رۆژهه‌لاَتی كوردستانیان كرد.}

^{به‌ دوای‌ قه‌ول و به‌ڵێنی‌ كاربه‌ده‌ستانی‌ رێژیم بۆ لێپێچینه‌وه‌ی‌ ئه‌و كه‌سانه‌ی‌ ده‌ستیان له‌ كوشتنی‌ كاسبكاران دا هه‌یه‌، دوو كاسبكاری دیكه‌ به‌ ته‌قه‌ی‌ هێزه‌كانی‌ رێژیم گیانیان لێ‌ ئه‌ستێندرا.هه‌واڵنێرمان له‌ ناوچه‌ی‌ سه‌رده‌شته‌وه‌ پێی‌ راگه‌یاندین كه‌ ئێواره‌ی‌ دۆینێ‌ رێكه‌وتی‌ 25ی‌ ره‌شه‌مه‌ كاسبكارێك به‌ ناوی‌ سه‌لاح ئیبراهیم زاده‌ خه‌ڵكی‌ گوندی‌ كانییه‌ڕه‌ش له‌ سه‌ر سنووری‌ جه‌ماڵه‌دین ده‌كه‌وێته‌ كه‌مینی‌ هێزه‌كانی‌ رێژیم و دوای‌ ده‌سڕێژ لێ‌ كردنی‌ له‌ لایه‌ن ئه‌م هێزانه‌وه‌، گیانی‌ له‌ده‌ست ده‌دا.}

^{رۆژی شه‌ممه‌ 14/3/2009 سه‌ید محه‌ممه‌د کولیجی ناسراو به‌ سه‌رهه‌نگ کامرانی که‌سایه‌تی سیاسی و تێکۆشه‌ری ناو ریزه‌کانی حیزبی دێموکرات له‌ ته‌مه‌نی 80 ساڵیدا له‌ نه‌خۆشخانه‌یه‌کی شاری کۆپنهاگی پێته‌ختی دانمارک له‌ ئه‌نجامی نه‌خۆشیی جه‌ڵده‌ی دڵ، کۆچی دوایی کرد.}

^{ئه‌مڕۆ دووشه‌ممه‌، رێكه‌وتی‌ 26ی‌ ره‌شه‌مه‌ هه‌یئه‌تێكی‌ حیزبی‌ دیموكراتی‌ كوردستان به‌ سه‌په‌رستی‌ كه‌ماڵ كه‌ریمی‌، جێگری‌ سكرتێری‌ گشتی‌ حیزبی‌ دیموكراتی‌ كوردستان سه‌ردانی‌ سازمانی‌ خه‌باتی‌ كوردستانی‌ ئێرانی‌ كردو له‌ لایه‌ن شاندێكی‌ ئه‌م رێكخراوه‌ به‌ سه‌رپه‌ستی‌ بابا شێخ حوسێنی‌، سكرتێری‌ گشتی‌ سازمانی‌ خه‌باته‌وه‌ پێشوازیی لێكرا.}

^{به‌پێی ناوه‌ندی ڕایگه‌یاندن و چاپه‌مه‌نی هه‌په‌گه‌ ، له‌ رۆژانی 11، 12 و 13 مارت فرۆکه‌ جه‌نگیه‌کانی ئه‌رته‌شی تورک له‌ سه‌ریه‌ک هه‌رێمه‌کانی ئاڤاشینی زاگرۆس و چه‌مجۆی زاپیان ، بۆردومان کرد و، له‌ئه‌نجامدا ، 4 گه‌ریلای هه‌په‌گه‌ ژیانیان له‌ده‌ستدا.}

^{ره‌وه‌ندی‌ كورد له‌ شاری‌ بۆرلنك له‌ وڵاتی‌ سوید خۆپیشاندانێكی‌ فراوانیان سازكرد و تیایدا داوایان كرد كه‌ هه‌ڵمه‌تی‌ به‌ زۆر ره‌وانه‌ كردنه‌وه‌ی‌ په‌نابه‌ران رابگیرێت و به‌ كارێكی‌ دژ به‌ مافی‌ مرۆڤ وه‌سفیان كرد..
په‌نابه‌رانی‌ كورد له‌ وڵاتی‌ سوید رۆژی‌ شه‌ممه‌ خۆپیشاندانیان كرد بۆ ئه‌وه‌ی‌ پارله‌مانی‌ ئه‌و وڵاته‌ داوا له‌ حكومه‌ت بكات ئه‌و هاوڵاتیانه‌ی‌ عێراق به‌ زۆر ره‌وانه‌ نه‌كرێنه‌وه‌ كه‌ سه‌ر به‌ كه‌مینه‌كانی‌ عێراقن.}

^{هاوكات له‌گه‌ڵ دادگایی كردنه‌وه‌ی‌ رووناك سه‌فارزاده‌، هانا عه‌بدی‌ بۆ جارێكی‌ دیكه‌ ره‌وانه‌ی‌ زیندان كرایه‌وه‌.
ئه‌نجوومه‌نی‌ "ژنانی‌ ئازه‌رمێهری‌ كوردستان" رایگه‌یاند هانا عه‌بدی‌ خوێندكارو چالاكی‌ مافه‌كانی‌ ژنان كه‌ رۆژی‌ 8ی‌ ره‌شه‌مه‌ی‌ ئه‌مساڵ دوای‌ تێپه‌ڕاندنی‌ حوكمه‌كه‌ی‌ له‌ زیندان ئازاد كرا، رۆژی‌ پێنج شه‌ممه‌ 22ی‌ ره‌شه‌مه‌ به‌ تۆمه‌تی‌ به‌شداریكردن له‌ مانگرتنه‌ گشتییه‌كه‌ی‌ ئه‌مساڵی‌ زیندانیانی‌ سیاسی‌ و مه‌ده‌نیی كوردستان، دادگایی كرایه‌وه‌و حوكمی‌ 7 مانگ زیندانی‌ ته‌عزیری‌ به‌سه‌ردا سه‌پا.}

^{هه‌واڵده‌ری‌ چاودێری‌ مافی‌ مرۆڤی‌ كوردستان رایگه‌یاند كه‌ دوای‌ تێپه‌ڕینی‌ 50رۆژ له‌ گیرانی‌ نووسه‌رو و لێكۆڵه‌ری‌ كورد، عه‌بباس جه‌لیلیان سه‌ره‌تای‌ حه‌وتووی‌ رابردوو له‌ گرتووخانه‌ی‌ ئیداره‌ی‌ ئیتلاعاتی‌ كرماشانه‌وه‌ بۆ به‌ندی‌ قه‌ره‌نتینه‌ی‌ زیندانی‌ دزڵئابادی‌ ئه‌م شاره‌ راگوێزرا.}

^{سه‌ر كۆماری ویلایه‌ یه‌كگرتووه‌كانی ئه‌مریكا " به‌راك ئۆباما" ئێرانی به‌ گه‌ره‌ترین هه‌ڕه‌شه‌ بۆ سه‌ر ئاسایشی وڵاته‌كه‌ی له‌ قه‌ڵه‌مدا و له‌به‌ر ئه‌وه‌ی تاران هێشتا به‌رده‌وامه‌ له‌ پشتیوانی كردنی تیرۆریسم و ده‌ستێوه‌ردان له‌ كاروباری ناوخۆی وڵاتانی عێراق، ئه‌فغانستان، لوبنان و فه‌له‌ستین، بۆ ساڵێكی دیكه‌ بڕیاری درێژكردنه‌وه‌ی سزاكانی سه‌ر ئێرانی بۆ ساڵێكی دیكه‌ درێژكرده‌وه‌.}

^{(سبه‌ی‌)
ئه‌مڕۆ هه‌یینی‌ سوپای‌ توركیا رایگه‌یاند: "دوێنێ‌ باره‌گاكانی‌ په‌كه‌كه‌ی‌ له‌ناوچه‌ی‌ ئاڤاشین له‌ناو هه‌رێمی‌ كوردستان بۆردومان كردوه‌".وته‌بێژی‌ سوپای‌ توركیا جه‌نه‌راڵ‌ مه‌تین گوراك رایگه‌یاند: فڕۆكه‌ جه‌نگییه‌كانیان به‌وردبینیه‌وه‌ ئامانجه‌كانیان پێكاوه‌.مه‌تین هیچ زانیارییه‌كی‌ له‌باره‌ی‌ ئه‌نجامی‌ هێرشه‌كه‌وه‌ ئاشكرانه‌كرد . جێی‌ ئاماژه‌یه‌، ماوه‌ ماوه‌ توركیا ناوچه‌ سنورییه‌كانی‌ هه‌رێمی‌ كوردستان به‌بیانوی‌ بونی‌ گه‌ریلاكانی‌ په‌كه‌كه‌ بۆردومان ده‌كات.}

^{بزووتنه‌وه‌ی‌ به‌ره‌نگاریی‌ خه‌ڵكی‌ ئێران ناسراو به‌ "جوندوڵڵا" له‌ راگه‌یاندراوێك دا رایگه‌یاند كه‌ ئه‌مڕۆ، 23ی‌ ره‌شه‌مه‌ كاتژمێر 10ی‌ پێشنیوه‌رۆ به‌ هۆی‌ عه‌مه‌لیاتێكی‌ ته‌قینه‌وه‌یی‌ له‌ لایه‌ن گروپێكی‌ سه‌ر به‌م بزووتنه‌وه‌یه‌ له‌ قه‌راغ جاده‌ی‌ نێوان سیركان ـ سه‌راوان 12 پاسداری‌ رێژیم كوژران . بزووتنه‌وه‌ی‌ به‌ره‌نگاریی‌ خه‌ڵكی‌ ئێران ناسراو به‌ "جوندوڵڵا" وێڕای‌ بڵاو كردنه‌وه‌ی‌ ئه‌م هه‌واڵه‌ روو به‌ رێژیمی‌ كۆماری‌ ئیسلامی‌ ئێران راده‌گه‌یه‌نێ‌ كه‌ ئه‌گه‌ر رێژیم ده‌یه‌وێ‌ ئه‌م جۆره‌ عه‌مه‌لیاتانه‌ دوپات نه‌بنه‌وه‌ پێویسته‌ هێزه‌ سه‌ركوتكه‌ره‌كانی‌ كه‌ به‌اوچستان و ناوچه‌كه‌ بكشێنیته‌وه‌.}

^{كوردستان و كوردنیوز: كاربه‌ده‌ستێكی‌ ده‌زگای‌ زانیاری‌ ئامریكا رایگه‌یاند كه‌ راگرتنی‌ به‌رنامه‌ ناوكییه‌كانی‌ ئێران له‌ رێگای‌ دیپلۆماسی‌یه‌وه‌ كارێكی‌ دژواره‌. دێنیس بلێر، به‌رێوه‌به‌ری‌ رێكخراوی‌ زانیاریی ئامریكا دۆینێ‌ سێ‌ شه‌ممه‌ له‌ پارڵمانی‌ "سنا"دا وتی‌ كه‌ سه‌ره‌ڕای‌ هه‌موو ناڕه‌زایه‌تییه‌كی‌ نێونه‌ته‌وه‌یی، رێژیمی‌ تاران خه‌ریكه‌ ده‌ستی‌ وه‌ چه‌كی‌ ناوكی‌ و درووست كردنی‌ موشه‌كی‌ دوورهاوێژ راده‌گا.}

^{ئه‌نجومه‌نی‌ نیشتمانی‌ كوردستانی‌ سوریا كه‌ له‌ ساڵی‌ 2006 له‌ شاری‌ برۆكسل دامه‌زراوه‌ و له‌ ده‌ره‌وه‌ درێژه‌ به‌ كار و چالاكییه‌كانی‌ ده‌دات، داوای‌ ئه‌نجامدانی‌ كۆبونه‌وه‌یه‌كی‌ فراوان ده‌كات له‌ نێوان لایه‌نه‌ كوردییه‌ چالاكه‌كانی‌ سوریا له‌ پێناو یه‌كخستنی‌ داواكارییه‌كان و پێشكه‌شكردنیان به‌ ئیداره‌ی‌ نوێی‌ ئه‌مه‌ریكا.}

^{سه‌رچاوه‌ : سایتی سبه‌ی}

 

^{كوردستان و كوردنیوز: كه‌ماڵ شه‌ریفی‌، رۆژنامه‌نووس و چالاكی‌ سیاسی‌ كورد رۆژی‌ رابردوو له‌ به‌ندیخانه‌ی‌ ناوه‌ندی‌ سه‌قزه‌وه‌ بۆ به‌ندیخانه‌یه‌ك له‌ شاری‌ سنه‌ گوازرایه‌وه‌.به‌ پێی‌ هه‌واڵێك كه‌ خوێندكارانی‌ پارێزه‌ری‌ مافی‌ مرۆڤی‌ كوردستان بڵاوی‌ كردۆته‌وه‌، رۆژی‌ رابردوو كه‌ماڵ شه‌ریفی‌ به‌ ده‌ست و پێ‌ به‌ستراو له‌ زیندانی‌ ناوه‌نديی‌ سه‌قزه‌وه‌ بۆ شاری‌ سنه‌ گوازرایه‌وه‌.}

^{بۆرۆژهه‌ڵات - ناوه‌ندی هه‌واڵ: له‌ راگه‌یه‌ندراوێکدا که‌ له‌ لایه‌ن کۆمه‌ڵێک له‌ بازاریان و دوکاندارانی شاره‌ سنووریه‌کانی بانه‌ و سه‌رده‌شته‌وه‌ بڵاو کراوه‌ته‌وه‌، پشتیوانی خۆیان له‌ مانگرتنی شاری مه‌ریوان ده‌رده‌بڕن و بۆ ئه‌مه‌ش راده‌گه‌یه‌نن که‌ رۆژی 17ی ره‌شه‌ممه‌ دوکان و بازاره‌کانیان داده‌خه‌ن}.